耳機秋祭2 - feverSound

新機用上三點支撐，跟機已經有釘腳。

DS-DAC-100 還有便攜版 DS-DAC-100m，定價 $30,000 日圓，功能幾乎一樣，不過就改為 USB type B mini 輸入、3.5mm 耳擴輸出及 3.5mm line out 各一組。隨著新機推出，AudioGate 亦會更新至第 3 代，帶來更豐富的播放器功能，Korg 日本市場部代表更表示明年年初會將這兩部新機引入香港。

ALO Audio 的新 USB DAC The Island 有金屬機身，最特別的是可以玩 4-pin 平衡耳機輸出，定價 $299 美金。

今年備受注目的新品牌 iFi-Audio 帶來最新的 nano-iDSD，是世上有齊支援 DSD 播放 USB DAC、內置電池的耳擴，出街可以當手提耳擴，駁電腦可以當 USB DAC 連耳擴，夠晒實用。

USB DAC 的補品 iPurifier 亦同時登場。

Fostex 中階新機 HP-A4 已經支援 DSD，由 USB 供電，並有耳擴及前級功能，最吸引的是造到迷你版 HP-A8一樣，個樣夠殺食。

Olasonic 這兩年在日本急速冒起，這條 nanocompo 桌上音響部部都只有 CD 盒咁大，有齊 CD 轉盤、DAC、前後級，現場用 Bi-Amp 推一對 KEF LS-50，房仔細細聽落都唔錯 (呢套機近兩皮港紙)，負責人話現時產品只在日本發售，不過齊考慮緊衝出日本 (代理們識做啦!)。

Olasonic 還有一款與日本品牌音茶樂合作推出的耳機 TH-F4N。

Hifiman 的平民新機 HM-700，定價 $24,900 日圓，機身比舊作細、輕、靚，仲有平衡輸出。

Audio Technica AT-HA22TUBE 膽石耳擴，功能只係一部純耳擴，機身用全金屬製，定價 $50,400 日圓。

Rotac 針對 AK120 而設的耳擴 REX-KEB02AK，內有 ESS ES9018K2M DAC 晶片，AK120 可以用光纖輸入，耳擴部分用 Full Balance 線路，以兩組 2.5mm 插頭作平衡輸出，用 Sennheiser HD-25 聽，平衡輸出令耳機音場更廣闊，不過暫時這種特製耳機線只支援極少數耳機，得物無所用。

有平衡放大線路及解碼功能，機內比平常手提耳擴多料。

播 DSD 專用的 Buffalo NAS LS421D0402P，唔知係唔係會穩定啲呢？

同 IFA、CES 等大展比，東京耳機祭場地其實好細，亦都無特別佈置。

今年場內好多人用 AK120，比例佔差唔多一半。

話口未完，嗰邊又一部! (我都係 AK120...)

場內唔多靚女 Model，大會安排的 Model 只供大會拍攝用。

賣耳機線的 TOMOE 公主。